Home Page

Anouncement

मण्डली मा वि की छात्रा पुरस्कृत

वाल उद्धार अभियान नेपाल (CRM) द्वारा रत्न राज्य माध्यमिक विद्यालय, डुम्रेडाँडा, गोरखामा आयोजित “मानव बेचबिखन विरुद्ध जनचेतना अभियानमा युवाको दायित्व” विषयक माध्यमिक तह स्तरीय वक्तृत्वकला प्रतियोगिता सम्पन्न भएको छ। प्रतियोगितामा चितवन र गोरखा जिल्लाका विभिन्न विद्यालयका विद्यार्थीहरूले सहभागी हुँदै आफ्नो विचार, अभिव्यक्ति र वक्तृत्वकौशल प्रस्तुत गरेका थिए।

प्रतियोगितामा मण्डली माध्यमिक विद्यालय, गोरखाकी कक्षा १० की छात्रा अनुस्का पोखरेलले उत्कृष्ट प्रस्तुति गर्दै तृतीय स्थान हासिल गर्न सफल भएकी छन्। उनले मानव बेचबिखनजस्ता संवेदनशील विषयबारे युवाहरूको भूमिका, सचेतना र उत्तरदायित्वलाई प्रभावशाली ढंगले प्रस्तुत गरेकी थिइन्। निर्णायक मण्डलले उनको आत्मविश्वास, भाषा, प्रस्तुतिको शैली र विषयवस्तुको स्पष्टतामा प्रशंसा गर्दै तृतीय स्थानका लागि योग्य ठहर गरेको बताइएको छ।

त्यसैगरी, मण्डली माध्यमिक विद्यालयका कक्षा १० का छात्र डेभिड धितालले प्रतियोगितामा सक्रिय सहभागिता जनाउँदै विद्यालयको प्रतिनिधित्व गरेका थिए। यद्यपि उनी शीर्ष स्थानमा पर्न सफल हुन सकेनन्, आयोजक तथा निर्णायकले उनको प्रस्तुति र प्रयासलाई सराहना गरेका छन्। विद्यालय प्रशासनले समेत दुवै विद्यार्थीले विद्यालयको प्रतिष्ठा वृद्धि गर्न योगदान पुर्याएको बताउँदै उनीहरूको मेहनत, समर्पण र तयारीको प्रशंसा गरेको छ।

वाल उद्धार अभियान नेपालले यस्तो प्रकारका प्रतियोगिताले बालबालिका र युवाहरूमा सामाजिक मुद्दाप्रति सचेतना बढाउने, अभिव्यक्तिको क्षमता विकास गर्ने तथा नेतृत्व गुण अभिवृद्धिमा सहयोग पुर्याउने विश्वास व्यक्त गरेको छ। कार्यक्रमले मानव बेचबिखन जस्ता अपराधविरुद्ध युवा पुस्तालाई संवेदनशील र जिम्मेवार बनाउने उद्देश्य राखेको जनाएको छ।

प्रतियोगितामा विजयी तथा सहभागी विद्यार्थीहरूलाई प्रमाणपत्र र सम्मान प्रदान गरिएको थियो। विद्यालय तथा स्थानीय समुदायले अनुस्का पोखरेललाई तृतीय स्थानका लागि हार्दिक बधाई तथा डेभिड धिताललाई प्रेरणादायी सहभागिताका लागि धन्यवाद व्यक्त गरेका छन्।

(शिक्षक रामशरण पोखरेल, हरि नारायण श्रेष्ठ र प्रकाश पोखरेलको सहयोगमा राम्जी सुवेदी)

कक्षा ११ का विद्यार्थीहरुको स्वागत

श्री मण्डली माध्यमिक विद्यालयमा कक्षा ११ का विद्यार्थीहरुको भव्य स्वागत समारोह सम्पन्न

सिरानचोक–५, गोरखा । श्री मण्डली माध्यमिक विद्यालय, सिरानचोक–५, गोरखामा कक्षा ११ मा भर्ना भएका नयाँ विद्यार्थीहरूको स्वागतका लागि एक भव्य तथा सांस्कृतिक कार्यक्रम सम्पन्न भएको छ। विद्यालयमा हरेक वर्षजस्तै यस वर्ष पनि कक्षा १२ मा अध्ययनरत विद्यार्थीहरूले नयाँ विद्यार्थीहरूलाई सम्मान, उत्साह र आत्मीयतासहित स्वागत समारोह आयोजना गरेका हुन्।

विद्यालयका प्रधानाध्यापक ज्ञानेन्द्र प्रसाद पोखरेलको अध्यक्षतामा सम्पन्न कार्यक्रममा विद्यालयतर्फबाट खादा तथा अबिर टीका लगाई औपचारिक स्वागत गरिएको थियो। साथै कक्षा १२ का विद्यार्थीहरूले उपहार प्रदान गर्दै नयाँ शैक्षिक यात्रामा शुभकामना व्यक्त गरे।

कार्यक्रमको संयोजन कक्षा ११/१२ का संयोजक शिक्षक रामशरण पोखरेलले गर्नुभएको थियो भने कार्यक्रमलाई सफलतापूर्वक सञ्चालन गर्न प्राविधिक सहयोग विद्यालयका सूचना अधिकारी तथा शिक्षक श्री प्रकाश पोखरेलले प्रदान गर्नुभएको थियो।

कार्यक्रम कक्षा १२ की छात्रा कञ्चन बि कको स्वागत मन्तव्यबाट सुरु भएको थियो। त्यसपछि प्रस्तुत भएको स्वागत नृत्य कक्षा १२ की छात्रा सोनिया मालबुले नृत्य प्रस्तुत गर्दै वातावरणलाई झनै उत्साहपूर्ण बनाइन्।

सांस्कृतिक प्रस्तुतिहरूमा कक्षा ९ की करिस्मा भुजेल र कक्षा ८ की करिना श्रेष्ठले “सिरानचोकको चेली म त…” गीतमा नृत्य प्रस्तुत गरे। त्यस्तै, कक्षा ९ की विनिता विकले “राम्दी पुल तरने वित्तिकै…” गीत गाई उपस्थित सबैलाई मन्त्रमुग्ध बनाइन्।

कार्यक्रमलाई सम्बोधन गर्दै प्रधानाध्यापक पोखरेलले कक्षा ११/१२ सञ्चालनका प्रारम्भिक दिनदेखि हालसम्मको आर्थिक तथा शैक्षिक अवस्था, विद्यालयले निरन्तर उपलब्ध गराउँदै आएको गुणस्तरीय शिक्षाको उल्लेख गर्दै विद्यार्थीहरूलाई अनुशासन, परिश्रम र नियमित अभ्यासमार्फत उत्कृष्ट नतिजा हासिल गर्न प्रेरित गर्नु भएको थियो।

त्यसैगरी, कक्षा ११ की छात्रा प्रिनिका गुरुङले कक्षा १२ का दाइदिदीहरूले गरेको स्वागतले आफूहरूमा नयाँ उमंग, ऊर्जा र उत्साह जागृत भएको बताउँदै हार्दिक धन्यवाद व्यक्त गरिन्।

कार्यक्रम सञ्चालन कक्षा १२ का विद्यार्थी मन्दिप पोखरेलले गरेका थिए। कार्यक्रम भर विद्यार्थी, शिक्षक तथा अभिभावकहरूको उल्लेखनीय उपस्थिति रहेको थियो।

विद्यालयमा कक्षा १२ ले कक्षा ११ का विद्यार्थीहरूलाई स्वागत कार्यक्रम र कक्षा ११ ले कक्षा १२ लाई “विदाइ तथा फेरी भेटौला” कार्यक्रम गर्ने परम्परा रहँदै आएको संयोजक पोखरेलले जानकारी दिनुभयो। उहाँका अनुसार, यस्तो गतिविधिले विद्यार्थीहरूबीच मैत्रीभाव, सहयोग, अनुशासन र सांस्कृतिक चेतनाको विकासमा महत्वपूर्ण योगदान पुर्‍याउँदै आएको छ।

विद्यालयले आगामी दिनहरूमा पनि यस्ता प्रेरणादायी कार्यक्रमहरूलाई निरन्तरता दिने प्रतिबद्धता व्यक्त गरेको छ।

सिकाइ उपलब्धि मापन परीक्षाको नतिजा सार्वजनिक

सिकाइ उपलब्धि मापन परीक्षाको नतिजा सार्वजनिक

गोरखा — २०८२ सालको कार्तिक महिनामा सञ्चालन भएको श्री मण्डली माध्यमिक विद्यालय सिरानचोक गोरखाको कक्षा ११ र १२ को सिकाइ उपलब्धि मापन (LAM) परीक्षाको नतिजा सार्वजनिक भएको छ। कक्षा ११ र १२ मा अध्ययनरत विद्यार्थीहरूको सिकाइ स्तर, विषयगत ज्ञान, र कौशलको अवस्थाबारे स्पष्ट चित्र प्रस्तुत गर्ने उद्देश्यसहित गरिएको यो मूल्यांकनले विद्यार्थीको सिकाइमा अझै सुधार आवश्यक रहेको देखाएको छ।

सिरानचोक गाउँलालिका स्थित श्विरी द्यालय मण्डली माध्यमिक विद्यालयका प्रअ ज्ञानेन्द्र प्रसाद पोखरेलका अनुसार, सिकाइ उपलब्धि मापन परीक्षा विद्यालयको शैक्षिक गुणस्तर उकास्न महत्वपूर्ण आधार बन्न पुगेको छ। “परीक्षाको नतिजाले विद्यार्थीहरूको बलियो पक्ष र कमजोरी दुवैलाई पहिचान गर्न मद्दत पुर्‍याएको छ। यसका आधारमा हामीले आगामी दिनका लागि विशेष सिकाइ सुधार योजना लागू गर्नेछौँ,” प्र अ पोखरेलले बताउनु भयो।

उहाँका अनुसार, कक्षा ११ र १२ का विद्यार्थीहरूले परीक्षामा सुधार गर्नु पर्ने देखिएको छ । विद्यालयले शिक्षक अभिमुखीकरण, अभ्यासमुखी कार्यक्रम र निरन्तर अनुगमनमार्फत सिकाइमा देखिएको खाडल घटाउने योजना बनाएको छ।

विद्यार्थीहरूको सिकाइ स्तर कायम राख्न अभिभावकको भूमिका पनि महत्वपूर्ण हुने बताउँदै पोखरेलले अभिभावकलाई विद्यालय–विद्यार्थी–अभिभावक त्रिकोणीय सहकार्यलाई बलियो बनाउन आग्रह गर्नु भएको छ।

सिकाइ उपलब्धि मापन परीक्षा शिक्षा क्षेत्रको सुधारका लागि दीर्घकालीन आधार तयार गर्ने उद्देश्यले हरेक वर्ष सञ्चालन गरिँदै आएको छ। यसपटकको नतिजाले विद्यालयहरूको शिक्षण प्रक्रियालाई अझ परिणाममुखी बनाउने प्रेरणा दिएको छ।

About Us

“Detail info about Mandali English Secondary School”

मण्डली माध्यमिक विद्यालय सिरानचोक गाउँपालिका वडा नं. ५, छोप्राक, गोरखामा अवस्थित एक सार्वजनिक शैक्षिक संस्था हो। सन् १९६५ (२०२२ वि.सं.) मा स्थापना भएको यो विद्यालयले बालविकासदेखि कक्षा १२ सम्मको शिक्षा प्रदान गर्दै आएको छ। राष्ट्रिय परीक्षा बोर्ड (NEB) अन्तर्गत मान्यता प्राप्त यस विद्यालयमा शिक्षा र व्यवस्थापन धारामा +२ तहको अध्ययन गराउन व्यवस्था गरिएको छ। हाल करिब ३५६ विद्यार्थी अध्ययनरत रहेको यस विद्यालयले आर्थिक रूपमा कमजोर विद्यार्थीहरूका लागि छात्रवृत्ति सुविधा पनि प्रदान गर्दछ। सरल शुल्क संरचना, अनुभवी शिक्षकहरू, अतिरिक्त‑पाठ्यक्रम गतिविध...