भर्ना अभियान शुरु

 शैक्षिक सत्र २०८३ को भर्ना अभियानसम्बन्धी सूचना

आदरणीय अभिभावक ज्यूहरू,

नमस्कार  !

यस विद्यालयमा शैक्षिक सत्र २०८३ का लागि नयाँ भर्ना प्रक्रिया औपचारिक रूपमा सुरु भइसकेको व्यहोरा अवगत गराउँदछौँ।

बालबालिकाको भविष्य निर्माणको पहिलो खुड्किलो गुणस्तरीय शिक्षा हो। आफ्ना बाबुनानीहरूलाई समयमै विद्यालयमा भर्ना गराई नियमित पठनपाठनमा सहभागी गराउनुहुन सम्पूर्ण अभिभावक ज्यूहरूमा विद्यालय परिवार हार्दिक अपिल गर्दछौँ।

भर्नासम्बन्धी केही महत्त्वपूर्ण जानकारी:

भर्ना समय: बिहान १०:०० बजे देखि दिउँसो ४:०० बजेसम्म।

आवश्यक कागजातहरू: जन्मदर्ताको प्रतिलिपि।

विशेषताहरू: अनुभवी शिक्षक, पर्याप्त खेलमैदान, कम्प्युटर शिक्षा ।

शिक्षामा बालबालिकाको पहुँच सुनिश्चित गर्दै उनीहरूको सुनौलो भविष्यका लागि सहकार्य गर्न हामी तत्पर छौँ। थप जानकारीका लागि विद्यालय प्रशासनमा सम्पर्क गर्रानुहोस् ।

विद्यालय प्रशासन                                                                                            मिति: २०८३/०१/०७

२०८२ सालको वार्षिक परीक्षाको नतिजा प्रकाशन

वार्षिक परीक्षाको नतिजा प्रकाशन सम्बन्धमा ।

यस विद्यालयमा अध्ययनरत सम्पूर्ण विद्यार्थी भाइबहिनीहरू तथा अभिभावकज्यूहरूमा यसै सूचनामार्फत जानकारी गराइन्छ कि शैक्षिक सत्र २०८२ को वार्षिक परीक्षाको नतिजा देहाय बमोजिमको मिति र प्रक्रियाअनुसार प्रकाशन गरिने निर्णय भएको छ:

कक्षा १ देखि ७ र कक्षा ९ को नतिजा: यस विद्यालयद्वारा सञ्चालित कक्षा १ देखि ७ र कक्षा ९ को वार्षिक परीक्षाको नतिजा आगामी २०८२ चैत्र २७ गते प्रकाशन गरिनेछ । नतिजा विद्यालयको सूचना पाटीका साथै वेबसाइटमा पनि हेर्न सकिनेछ ।

कक्षा ८ (आधारभूत तह) को नतिजा: कक्षा ८ को वार्षिक परीक्षा गाउँपालिका स्तरीय हुने भएकोले, उक्त कक्षाको नतिजा गाउँपालिकाको निर्णय र कार्यतालिका बमोजिम सोही कार्यालयबाटै सोही दिन  प्रकाशन गरिने व्यहोरा अनुरोध छ । गाउँपालिकाबाट नतिजा प्राप्त हुनासाथ विद्यालयले पुनः सूचना जारी गर्नेछ ।

नतिजा सम्बन्धी थप जानकारी:

मिति: २०८२ चैत्र २७ गते (कक्षा १–७ र ९ को लागि)

स्थान: विद्यालय परिसर / आधिकारिक वेबसाइट

नतिजा प्रकाशन पश्चात् नयाँ शैक्षिक सत्रको भर्ना तथा कक्षा सञ्चालन सम्बन्धी जानकारी सोही दिन उपलब्ध गराइनेछ ।

धन्यवाद ।

शिक्षक सरुवाको लागि दर्ता भएका निवेदनहरुको विवरण

शिक्षक सरुवा सम्बन्धी सूचना

गोरखा जिल्ला सिरानचोक गाउँपालिका ५ स्थित श्री मण्डली माध्यमिक विद्यालयमा प्राथमिक तह तृतीय श्रेणीको शिक्षक सरुवाको लागि सूचना प्रकाशन भएको हुनाले योग्यता पुगेका इच्छुक स्थायी शिक्षकहरुले सम्पर्क गरी प्रकृया अगाडी बढाउन सक्नुहुनेछ । 

परीक्षाको समयतालिका प्रकाशन सम्बन्धी सूचना

परीक्षाको समयतालिका प्रकाशन सम्बन्धी सूचना

हार्दिक निमन्त्रणा ।

श्री मण्डली माध्यमिक विद्यालय, सिरानचोक गाउँपालिकका -५, गोरखाको ६१ औँ वार्षिकोत्सव तथा अभिभावक दिवस समारोह विविध कार्यक्रमका साथवम सु-सम्पन्न हुन गइरहेकोले सबैलार्इ हार्दिक निमन्त्रणा गरिन्छ ।

विद्यालय परिवार

श्री मण्डली माध्यमिक विद्यालय

शिक्षक सरुवाको लागि दर्ता भएका निवेदनहरुको विवरण

शिक्षक सरुवाको लागि दर्ता भएका निवेदनहरु

यस श्री मण्डली माध्यमिक विद्यालयमा रिक्त रहेको प्राथमिक तह तृतीय श्रेणीको शिक्षक सरुवाको लागि मिति २०८२/११/२७ प्रकाशित सूचना अनुसार तोकिएको मिति भित्र विद्यालयमा दर्ता हुन आएका निवेदकहरुको विवरण यस प्रकार रहेको व्यहोरा सम्बन्धीत सबैको जानकारीको लागि यो सूचना प्रकाशित गरिन्छ ।

प्रधानाध्यापक

श्री मण्डली मा.वि.

सिरानचोक गा. पा. ५, छोप्राक, गोरखा ।

स्थायी शिक्षक सरुवा सम्बन्धी सूचना

स्थायी शिक्षक सरुवा सम्बन्धी सूचना

गोरखा जिल्ला सिरानचोक गाउँपालिका ५ स्थित श्री मण्डली माध्यमिक विद्यालयमा प्राथमिक तह तृतीय श्रेणीको शिक्षक सरुवाको लागि सूचना प्रकाशन भएको हुनाले योग्यता पुगेका इच्छुक स्थायी शिक्षकहरुले सम्पर्क गरी प्रकृया अगाडी बढाउन सक्नुहुनेछ । 

वार्षिकोत्सव तथा अभिभावक दिवस

विद्यालयको ६१ औँ वार्षिकोत्सव तथा अभिभावक दिवस : उपलब्धि, प्रतिबद्धता र उत्साहको उत्सव

शिक्षा जीवनको आधारशिला हो र विद्यालय त्यस आधारशिलालाई मजबुत बनाउने प्रमुख संस्था हो। यही भावनालाई आत्मसात गर्दै हाम्रो विद्यालयको ६१ औँ वार्षिकोत्सव तथा अभिभावक दिवस समारोह २०८२ साल पौष २४ र २५ गते विद्यालय परिसरमा विभिन्न शैक्षिक, सांस्कृतिक तथा मनोरञ्जनात्मक कार्यक्रमहरूको आयोजना गरी भव्य रूपमा सम्पन्न भयो। यो अवसर विद्यालय परिवार, अभिभावक, विद्यार्थी तथा सरोकारवालाहरूबीच आपसी सम्बन्ध सुदृढ बनाउने महत्वपूर्ण अवसरका रूपमा रह्यो।

विद्यालय व्यवस्थापन समितिका अध्यक्ष श्री माधव पोखरेलको अध्यक्षतामा सम्पन्न उक्त कार्यक्रममा सिरानचोक गाउँपालिकाका अध्यक्ष श्री ज्ञानेन्द्र गुरुङ प्रमुख अतिथिका रूपमा उपस्थित रहनुभएको थियो। कार्यक्रममा विशेष अतिथिका रूपमा गाउँपालिका उपाध्यक्ष श्रीमती रिता देवकोटा तथा गाउँपालिका शिक्षा, युवा तथा खेलकुद शाखा प्रमुख श्री सुशील नरालको उपस्थिति रहेको थियो। अतिथिहरूले विद्यालयको शैक्षिक योगदानको प्रशंसा गर्दै आगामी दिनमा अझ गुणस्तरीय शिक्षाका लागि निरन्तर प्रयास गर्न प्रेरणा प्रदान गर्नुभयो।

कार्यक्रमलाई सम्बोधन गर्दै गाउँपालिका उपाध्यक्ष श्रीमती रिता देवकोटाले पालिकाको शैक्षिक उन्नयनमा यस विद्यालयले खेलेको भूमिकालाई उल्लेख गर्दै विद्यालयले भविष्यमा अझ धेरै प्रगति गर्ने विश्वास व्यक्त गर्नुभयो। त्यसैगरी शिक्षा शाखा प्रमुख श्री सुशील नरालले विद्यालयको हालसम्मको शैक्षिक उपलब्धि, शिक्षक तालिम, अभिभावक शिक्षा र विद्यालय–समुदाय सम्बन्धका विषयमा प्रकाश पार्दै निरन्तर सुधार र नवप्रवर्तनको आवश्यकता औंल्याउनुभयो।

कार्यक्रमको महत्वपूर्ण अंशका रूपमा विद्यालयका प्रधानाध्यापक श्री ज्ञानेन्द्र प्रसाद पोखरेलले वार्षिक प्रतिवेदन प्रस्तुत गर्नुभयो। प्रतिवेदनमा विद्यालयको शैक्षिक अवस्था, भौतिक पूर्वाधार, विद्यार्थी उपलब्धि, आगामी योजना तथा विद्यालयले सामना गरिरहेका चुनौतीहरूबारे स्पष्ट रूपमा जानकारी गराइएको थियो। यसले विद्यालयको पारदर्शिता र उत्तरदायित्वलाई अझ बलियो बनाएको छ।

वार्षिकोत्सवका अवसरमा विभिन्न विधामा उत्कृष्ट प्रदर्शन गर्ने विद्यार्थीहरूलाई सम्मान तथा पुरस्कार वितरण गरिएको थियो। साथै विद्यालयमा स्थापित विभिन्न अक्षयकोषका संरक्षकहरूको सहयोगमा करिब १०० भन्दा बढी विद्यार्थीलाई झण्डै १ लाख ६० हजार रुपैयाँ बराबरको नगद तथा जिन्सी शैक्षिक सामग्री वितरण गरिनु यस कार्यक्रमको प्रेरणादायी पक्ष रह्यो।

समारोहलाई थप आकर्षक बनाउन कक्षागत नृत्य, बाल खेलकुद, डोरी तान्ने प्रतियोगिता, अभिभावक होडी फुटाउने प्रतियोगिता लगायतका कार्यक्रमहरू सञ्चालन गरिएका थिए। यसै शैक्षिक सत्रमा विद्यालयबाट सरुवा भई जानु भएका शिक्षकद्वय श्री रामचन्द्र घिमिरे र श्री सरोज पोखरेललाई “फेरी भेटौँला” कार्यक्रममार्फत सम्मान गरिनु विद्यालयको आत्मीय संस्कृतिको परिचायक हो।

यसै क्रममा शिक्षक श्री प्रकाश पोखरेलद्वारा प्रस्तुत गरिएको स्काउट प्रदर्शन तथा स्काउट गीतले कार्यक्रममा थप रौनकता ल्यायो। प्रमुख अतिथि श्री गुरुङले उक्त प्रदर्शनलाई अर्थपूर्ण र अनुकरणीय भएको प्रतिक्रिया दिनुभयो।

कार्यक्रमको स्वागत मन्तव्य सहायक प्रधानाध्यापक श्री हरिनारायण श्रेष्ठले गर्नुभएको थियो भने सञ्चालन शिक्षक श्री रामशरण पोखरेलले गर्नुभएको थियो। समग्रमा, ६१ औँ वार्षिकोत्सव तथा अभिभावक दिवस समारोह विद्यालयको विगतको उपलब्धिको समीक्षा, वर्तमानको उत्सव र भविष्यप्रतिको दृढ प्रतिबद्धताको प्रतीकका रूपमा सफलतापूर्वक सम्पन्न भएको छ।